【有片】谢霆锋再现鸡冠发型　拎起熨斗自己Set头真系型！

撰文： 洪晓璇
出版：更新：

潮流系一啲人人都跟住做嘅事物，当你行先一步而唔系人做你先做，咁就可以有机会成为潮人啦。谢霆锋寻晚喺台湾出席颁奖礼担任表演嘉宾，自弹自唱《活著Viva》固然吸引，不过佢再次以鸡冠头示人更成为网友热话。表演之后做访问佢话自己用熨斗Set头，记者以为佢系讲笑咩？霆锋就贴埋片话俾大家知真系得架。

谢霆锋呢个发型加埋自弹自唱，好似时光倒流十几年呀。(视觉中国)

【附直播连结】谢霆锋赴台表演《活著Viva》　搭高铁南下劲亲民

【叱咤】谢霆锋上载彩排片段　Chef Lemon弹结他真系好热血

想当年霆锋出道无耐，同埋01年出席叱咤颁奖礼都系呢个Look示人，而呢次经典重温，全因为呢次表演同佢合作嘅结他手一席话。原来呢位结他手10岁时买咗谢霆锋第1张专辑，日前拎出来讨论时，赫然发现封面就系这个复古发型，因此霆锋决定要重现经典。

有网民指熨斗整头并唔系霆锋所创，贴图证明电影《富贵再逼人》中已经出现过。(影片截图)

想当年霆锋出道无耐，同埋01年出席叱咤颁奖礼都系呢个Look示人，而呢次经典重温，全因为呢次表演同佢合作嘅结他手一席话。原来呢位结他手10岁时买咗谢霆锋第1张专辑，日前拎出来讨论时，赫然发现封面就系这个复古发型，因此霆锋决定要重现经典。

2001年谢霆锋同样以鸡冠头示人，出席叱咤颁奖礼。(网上图片)
左熨熨右熨熨，三四十秒就得啦。不过，其实点解唔用直发夹呢？(影片截图)

艺人Set头短则大半个钟，时间长起上嚟两三个钟都系闲事。霆锋上载一条43秒短片，首先见到烫衫板上铺上1条白色大毛巾，霆锋顶住半制成品鸡冠头枕喺上面，一手拎起熨斗往头发上一压、一拉，发丝就即刻定型硬晒，熨完左再熨右，得咗﹗起身照埋镜扫多两吓就掂晒啦﹗网友见到熨斗贴紧霆锋头皮真系标晒冷汗，霆锋亦留言贴心提醒“以下节目部分内容涉及危险动作，切勿模仿，敬请家长留意。”其实今时今日直发夹咁方便，点解佢唔用呢下？

潮流一向都系十几廿年循环一次，2002年碧咸都系以鸡冠头示人，唔知2018会唔会再Hit过呢。(网上图片)