【万千星辉】田蕊妮今年强势称后！　分析对手点解唔够佢斗

《万千星辉颁奖礼2017》明晚举行，各路人马纷纷准备入闸，当然赛前都出尽法宝为自己或者对手拉票，为对手拉票日日都做得出，俾面俾面，又显得自己大量。不过为自己拉票其实并不是一件奇怪的事，只要你对自己有信心，为自己拉票绝对系好正常！讲紧嘅系田蕊妮，阿田早前在公开活动已经讲紧，今年的视后人选就是自己，因为她在《迷》入面的角色的确好有发挥，甚至连自己都好难抽离，所以今年就唔客气投自己！

讲真㖞！阿田在《迷》入面的发挥的确好好，由一开头是一名有理念的记者，去到最后愈来愈成魔，甚至杀人，那种心理变化唔系个个都轻易做得到。之后去到《夸世代》又系类似，由本来一个不得志的艺人，到开始红，突然乜都无晒，又突然拥有超能力再成魔，不停的起起跌跌，阿田在每个阶段都发挥得相当之好。佢自己话将会开始减产，不过今年都叫做有两套剧担正做主角，曾经凭《巨轮》拎晒视后和“最受欢迎电视女角色”，也试过在《鬼同你OT》拎“最受欢迎电视女角色”，其实今年好大机会再下一城。

讲一下佢嘅对手，李佳芯和唐诗咏都略嫌未够火喉，讲演技未到阿田嘅水准，江美仪演技够好，但系《亲亲我好妈》中的发挥未算好大，《夸世代》也只属配角，《同盟》都系得几集。宣萱今年算大热，在大马颁奖礼亦已经封后，不过她当年同张可颐争视后，结果只获得“最受欢迎电视女角色”，未能二度封后，到了今年的演技能否再得到观众们的认同呢？在《不懂撒娇的女人》中饰演一名外表刚强，实质柔弱的女角色，发挥系有嘅，但好似同剧的唐诗咏仲抢镜过佢。至于已经连拎两届视后的胡定欣，今年在《同盟》发挥一般，而且其实好似上年嘅《城寨英雄》，相信复制自己无理由可以拎奖。鲍起静鲍姐大家都似乎对佢做奸角的印象一般，在《同盟》经常都奸唔起，加上佢已经没有同无线合作，应该都无得争。最后要讲系《溏心风暴3》的几位女主角，岑丽香陪跑，三大长老关菊英、李司棋和米雪，以司棋姐的戏份最能够争奖，不过大家睇一个好妈妈的司棋姐已经睇咗好多年，讲埋潮语嘅司棋姐反而令佢更加奇怪，演技上当然无得质疑，不过就略微画蛇添足。

【万千星辉】20年边个攞得最多奖？ 有人今年有机打破视帝记录

【万千星辉】最强预测！五强名单 TVB够唔够胆俾《溏心风暴3》？

【万千星辉】最强预测．下集！配角飞跃多黑马 拍档奖系Do姐农夫

讲到底，阿田如果论演技，能够做她的对手人选并不多，甚至可以讲一定系最大热门，不过颁奖礼，大家都知喇，唔会剩系讲演技，仲有好多外在因素嘅！