【任噏乱评．溏心风暴3】仲拍系列续集？TVB不如正视自身问题先

《溏心风暴3》做了40集终于完结，如果以收视嚟睇，作为一套50周年的重头台庆剧，一定系唔及格，甚至不于另一套同等地位的《夸世代》。如果加埋坊间嘅评价，直头可以讲系差！一成不变的套路，沉闷的剧情，加埋最尾系人都估到的大结局，由一开始大力造势，到最后甚至连讨论的声音都愈来愈少。TVB归究有两个原因，一就是收视的计法并不统一，所以未能统计出最全面的收视，第二便是因为大陆率先播放，大家都已经上网偷睇了。

其实做完今次《溏心风暴3》，收视和评价都差并不是一件坏事，希望至少能够令TVB重视这个问题，就系一个系列系咪一定要不停地拍落去呢？当年《溏1》和《溏2》，收视高收到破纪录，因为社会出现小甜甜争产事件，观众们对这个题材十分有兴趣，加上仍然正值TVB的高峰时期，所以收得绝对系预期之内。但去到今时今日，争产事件其实大家都已经再无感觉，如果你话系一套家庭温暖剧，来来去去都系夏雨、司琪姐、菊姐等人，真系好容易令人厌倦，《爱回家》都由马家变成龙家喇！再加上TVB的势头已经不如10年前，这个虽然未必关套剧事，但都绝对影响现在的收视，TVB除了要谂系咪仲要拍系统续集之外（法证先锋已经准备紧第四辑），更加要谂吓系咩问题令到观众愈来愈少睇TVB。

【夸世代．任噏乱评】2047魔王乱港有深度 香港随时会剧境成真

【任噏乱评．溏心风暴】网上盗睇唔系收视差借口 TVB几时认输？

【任噏乱评．溏心风暴3】一套脱节嘅剧集 不如揾农夫Do姐拍剧喇

归根究底，TVB的风评愈来愈差，各方意见都指出剧集的创意度低，来来去去都是一堆演员，而且题材挟窄，仲要乜剧都要加条爱情线入去。虽然TVB今次其实都有好剧集，例如《踩过界》和《降魔的》，都是成本不高但拍出来有赞众赞好的剧集，《夸世代》虽然作为台庆剧不算成功，但它的搞笑位做得好，如果剧集不是要拖长50集嚟做，缩返短啲，加埋编剧临尾的天马行空，绝对也可以成为一套好剧。讲到尾，TVB其实唔系拍唔到好剧，只系有好多人都已经唔再选择去睇TVB，同比起以前个个坐喺屋企睇TVB，时代已经变得好快，TVB追唔上呢个浪潮。不过睇住《降魔的》这个剧本由选募得来，其实系想有转变，但转得够唔够快，转得好唔好睇，就要睇TVB造化了。