圭贤@Super Junior人气论文榜1位　庆熙无斗俊@highlight读个科

韩国娱乐圈有唔少艺人都会一路进行演艺事业一路读书，不过好多时都因为有繁多嘅行程，好难得先有机会去上堂。好似之前朴宝剑被爆出会以工作人员身份参与Year 4毕业功课，不过其后朴宝剑就表示对有份参与的同学造成影响觉得非常抱歉。喺校方嚟讲有明星、偶像就读当然可以大大提高学校嘅知名度，但系学生方面又会点睇呢？

今日CNBLUE队长郑容和就被爆出特惠入读庆熙大学嘅博士课程，郑容和都有系自己Instagram更新一张手写信照片，表示“一切都系我嘅错误，正在深切反省当中”。而郑容和所属经理人公司FNC Entertainment就表示“郑容和系2016年申请应用艺术学科的博士课程时，因为失误得到不合格结果，加上博士课程报考人数不足，所以大学方面就劝导郑容和参加追加招生嘅考试。”

爆出郑容和特惠入学后，就有网民爆料根本就唔止郑容和一个人系咁，好似Highlight队长尹斗俊、BLOCK B队长Zico以及Super Junior忙内圭贤都系有问题！网民表示“尹斗俊嘅学科根本就无博士课程，Zico在学中读紧硕士课程，但连论文都无写，更加唔会系博士啰！”

虽然唔知真伪，不过当时圭贤除咗忙住Super Junior嘅日程外，佢都有抽时间去上堂，出席率更高达90%以上，并以优秀成绩毕业。虽然圭贤曾经停学一年半，但系喺最后学期都有减少活动专心学业，更有喺毕业演奏会中跟同期毕业生一齐表演！加上圭贤喺2015年演出《Running Man》时，刘在锡就以“数学天才”、“全校第一”、“得过奥林匹克奖”等介绍圭贤出场，更有提及圭贤并未以演艺人身份特惠入学，而系以优异高考成绩考入庆熙大学！所以今次特惠入学就绝对唔关圭贤事。

圭贤喺2016年就读庆熙大学研究生院后现代音乐系提交嘅硕士论文，今日登上咗韩国学位·学士论文网站RISS的人气论文榜1位，论文以“对K-POP现状同未来发展性嘅研究，又以日本、中国等K-POP嘅成功事例为基础研究K-POP进军美国、欧洲市场嘅战略”为题，论文于2016年2月份提交，直至目前已有1万3807次嘅点击数，圭贤再一次以实力证明自己系学霸oppa！

更多图片

CNBLUE郑容和博士面试0分照合格？ IG亲笔信：感到非常羞愧

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/