万绮雯校服look零违和感散发少女味　网民大赞靓到好似时光倒流

呢行好多女艺人都系逆龄生长的表表者，个个都好似食了防腐剂一样唔识老，而万绮雯 (蚊蚊) 就是其中一位喇。今年已经47岁的蚊蚊除了身材keep到同以前拍《我和僵尸有个约会》系列时一样咁fit，对长腿依然是咁无敌之外，她的样子亦无咩点变过，完全睇唔到岁月有在她身上或脸上留下过任何痕迹。

蚊蚊今日就于她的微博上载了几张靓相，相中的她穿起水手装校服，扎住孖辫载埋格仔蝴蝶结头箍，真系成个学生妹咁㗎。虽然未至于是十几岁的少女feel咁夸张，但蚊蚊呢个look都散发出阵阵的少女气息。她还与其他老友合照，当中包括前亚姐兼她的好闺蜜缪非临，还有缪非临现正就读小学的囡囡，而蚊蚊站在缪非临囡囡身旁，似十足一个大姐姐咁，点睇都唔似系一个阿姨嚟。网民大赞蚊蚊靓女之余仲话好似时光倒流咗添呀。