文在寅仁川机场2航接见宋仲基、金妍儿？ 追韩星去旅行咪行错！
撰文： 沈洛嘉
出版：更新：
韩国今日有咩特别事，竟然出动总统文在寅、宋宋cp的宋仲基同“冰上精灵”金妍儿？而呢件事仲系同一众会去韩国旅行、追星嘅韩迷有关？原来仁川机场2号客运大楼今日开幕喇！而文在寅同宋仲基，更即场试用自助办理服务添！这个2号客运大楼将会喺1月18日正式开放营运，所以即将会去韩国旅行嘅你，就要留心自己要去1定2航上机喇！
+9
据知韩国仁川机场2号客运大楼航被称为智能机场，其登机、托运行李等手续都可以自助办理，大大减低旅客喺韩国机场排队等待嘅时间。此外，仁川机场2航比起原有的1航离首尔市区更近，大大缩短由机场去市区嘅时间。不过目前使用2号客运大楼嘅航空公司只系得4间，包括：大韩航空、达美航空、法国航空同荷兰皇家航空公司。如果唔系帮衬呢4间航空公司嘅话，就要去返旧嘅1号客运大楼办理登机手续喇！虽然1航同2航有免费接驳巴士穿梭，但都记住唔好去错啊！特别系谂住为韩星送机同接机嘅粉丝们，出发前记住check清楚航班，去错客运大楼会见唔到韩星㗎！
《尸杀列车》孔刘同郑有美结婚？ 婚礼场地同宋仲基宋慧乔一样！
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/