【歌手2018】宣传片同Chanel广告9成似　Jessie J急删片撇清关系

大陆节目《我是歌手》自开播以来，一直都有新闻传出话佢哋抄袭，先有第3季嘅片头动画被指抄袭西班牙电影，之后第4季嘅海报又被人话系抄Adidas，本来节目个版权系来自韩国的《I AM A SINGER》，但之后因为续约同限韩令，由第5季开始就直接将个名改埋做就咁《歌手》，本来就谂住有个新开始，点知又出事。

今季请咗来自英国嘅重量级歌手Jessie J，个个都好期待佢会唱《Price Tag》，成件事都好梦幻，“预言家”维基百科就预告Jessie J将会唱自己嘅歌《Domino》，仲连续两场排位赛同淘汰赛都拎第1，想知系咪真就今晚记得睇。

但可怕节目未出街已经出事，就系Jessie J节目宣传片竟然同知名品牌Chanel嘅香水广告片有9成相似，网民将2条片cap图对比一下，发现根本分唔清边一个系《歌手》同Chanel。据闻Chanel方面已经有律师帮佢跟进，Jessie J本身IG都有Share节目宣传片，依家拿拿临已经del片，连大陆网友都忍唔住讲句：“拜托别要丢脸丢出国际。”

想睇有几似，即点撃下图