【我本善良】温兆伦“戴绿帽”原播Beyond　版权问题改播林峰仲正

大台深夜时段原来已经播完神剧《壹号皇庭》Season5，接力播嘅系1989年同样系神剧嘅《我本善良》，由温兆伦、曾江、邵美琪等人主演，温兆伦同曾江好戏就唔使讲，入面做Diane嘅黎美娴好Pure好True真系好正，但呢个都唔系重点，今次系讲寻日𠮶集温兆伦同Diane准备拉埋天窗结婚。

【我本善良】Diane黎美娴当年被称“古装皇后”　息影后主力慈善

改由《我本善良》接替《壹号皇庭V》　温兆伦演齐浩男极为经典

本身结婚系一件开心事，但原来温兆伦冇同Diane商量过，所以Diane就觉得好唔受尊重，仲发脾气话：“你会系𠮶种派晒帖畀所有人，然后先嚟话我听我系新娘嘅人，可惜我哋仲未去到呢个阶段。”之后就上的士走咗去，温兆伦当然死跟啦，点知最后好狗血咁见到Diane竟然飞的系揾其他男仔，仲要手掂掂咁，系呢个咁“绿帽”画面，本身就系播Beyond嘅《原谅我今天》，歌词入面一句：“要是缘份妳相信／最后仍然是一对／心底里从未告别／只有默然渗著泪”，大家可以幻想吓几好feel。

点知大家听到嘅竟然系林峰《爱不疚》，虽然就冇林峰把声，但完全冇违和感，“放手／放开所有／彼此更自由”，成件事仲更加Sad，套剧89年播，林峰08年先唱《爱不疚》，回到过去19年，估唔到咁都可以玩到穿越。成集播足3次《爱不疚》，本身好悲伤气氛突然变咗阵胶味，不过都好，曲线成为网民热论话题，咪当宣传啰。事后我哋揾到TVB外视部了解原因，原来系因为歌曲版权问题，所以转咗歌，睇嚟之后仲会有好多“穿越歌”出现，估唔到要睇《我本善良》先至可以再听到林峰嘅歌。