【开心速递】欣欣返工净系玩电话　大家公司有无啲白出粮嘅同事？

无线处境剧《爱．回家之开心速递》昨晚播出那集，相信一众有返工的观众同网民一定睇得好有共鸣，因为内容是讲欣欣（邵珮诗饰）身为公司秘书，不过咩都做唔到，错漏百出，就连简单的帮同事拿单据去报销都搞到过晒期，成个优先处理的file可以不见了几个月，结果熊榭仁（单立文饰） 帮公司买的一万元灯钱claim不到，损失惨重。不过最离奇就是欣欣如此工作能力与工作态度，竟然无人话她，宽容地纵容她，任由她每日返公司只顾住玩电话，正经事却无样做到。其他同事都怕了她，宁愿做埋她𠮶份，她就安安乐乐继续唔使做，有粮出，完全唔惊会被公司炒。

欣欣的同事无人会忍心于她面前话她，只会在背后讲她，说她“做嘢又甩漏，又无交带，系猪一般嘅队友，根本就系一个人形花瓶。”但因为她天生是蠢钝，反而会体谅她。大家睇到呢个剧情，是否觉得同自己身处的公司好似？公司入面总有好似欣欣呢类的同事，做唔到嘢但依然健在，愈无能力公司愈唔使佢做，宁愿他少做少错，唔做唔错，等有能力的同事做埋他𠮶份。不过大家就未必可以好似榭仁他们咁包容了。