SHINee受钟铉妈妈鼓励举行日本concert　泰民：唔想同成员分离

撰文： 沈洛嘉
出版：更新：

SHINee成员温流、珉豪、Key、泰民于2017年12月18日痛失好兄弟兼队友钟铉，带住沉重同悲痛心情送钟铉走完最后一段路。早前他们所属的SM Entertainment表示，仍未能确定SHINee在2月的日本东京、大阪演唱会“SHINee WORLD THE BEST 2018~ FROM NOW ON~”能否如期进行。

SHINee的日本2月“SHINee WORLD THE BEST 2018~ FROM NOW ON~”演唱会，将如期举行。（网上图片）

今日SHINee喺官方网站上传咗温流、珉豪、Key、泰民嘅亲笔信，表达了个人感受以及传达将按照原定计划举行日本场演唱会嘅讯息。首先珉豪表示：“虽然唔知道咩先系啱，但我相信呢个系正确答案，遵守同大家嘅约定坚持落去。虽然有好多人担心冇人可以代替钟铉哥哥嘅位置，更会忧虑舞台表演嘅完成度。为咗接下嚟嘅时间可以令大家睇到SHINee嘅所有舞台都是同钟铉哥哥一齐，我哋会以全副真心去准备。”

珉豪表示会以全副真心去准备，希望大家睇到SHINee嘅所有舞台都是同钟铉哥哥一齐。（网上图片）

而Key就写下“因为有大家嘅关心，我嘅心情都逐渐平复，将努力回归日常当中。相信呢个决定都是钟铉哥哥所希望看到我哋嘅样子，同时都遵守同粉丝嘅约定，希望展示出最好舞台以及最有SHINee本色嘅样貌。”

Key表示自己心情正逐渐平复中。（网上图片）

忙内泰民就表示“事实是第一次我对于公演没有信心，但因为想遵守同粉丝嘅约定，仲有喺未来嘅时间都唔想同SHINee成员分开。”

泰民就表示喺未来嘅时间，唔想同SHINee成员分开。（网上图片）
+9

最后，SHINee队长温流就写下“感谢大家爱护以及守护我们成员，令到粉丝担心真系好抱歉。我觉得我唔得，我觉得我唔能够做好公演，但系喺听到钟铉妈妈叫我绝对唔好放弃之后，觉得如果可以喺某个地方给予想念钟铉嘅人以及心痛嘅人安慰，即使我有好多不足，亦知道过程会好艰苦，但我都会尽力去做好。”

温流表示冇信心可以做好公演，但胜在得到钟铉妈妈支持！（网上图片）

[KBS歌谣大祝祭]EXO灿烈掉转报纸睇?　SHINee钟铉纪念片段超洋葱!

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

[SBS演艺大奖]SM友爱Irene@Red Velvet照R.I.P JH　悼SHINee钟铉泰民不参加KBS歌谣大战　SHINee2月日本演唱会未确定是否如常举行[KBS歌谣大祝祭]SM家族R.I.P JH悼SHINee钟铉　日本最美Sana当MC