容祖儿日本旅行贪靓著Legging　得6度冻到即买“大妈裤”保暖

呢几日颁奖礼都唔见天后Joey（容祖儿）身影，原来佢偷偷哋去咗日本玩，香港人去旅行就最钟意打卡，Joey都唔例外，一上旅游巴就写咗句“To do list of 2018”，同大家Share几张自拍相，粉丝就担心佢自己一个人旅行唔安全。之后唔知系咪得自己一个寂寞得滞，Joey就连台上每一个小食都影相打卡，成件事真系好香港人啊，睇嚟今次Joey真系好放松咁去旅行。

轻松嘅一日，Joey第一件想做嘅事就系瞓到自然醒，之后就浸吓温泉、踩吓单车咁，都几写意。原来日本𠮶边得6度，贪靓嘅Joey带唔够衫，净系带咗条Legging做运动，所以佢嗱嗱声走去附近嘅舖头狂扫几条“大妈裤”保暖，事关Joey等阵就要去睇日落，佢仲好搞笑咁话佢条大妈裤系“扮牛条裤的保暖裤”。