罗莽同美国粉丝做深情专访　忆曾被惠英红踢中要害之后一定要打底

现年63岁的罗莽凭住他年青时所拍的邵氏武打电影，早就冲出国际，打入了美国市场，在当地更有一班Die hard粉丝，他的功夫影星形象一直深入民心。早前电影公司就特地为罗莽师傅做了一个深情专访，更备有英文字幕予一班美国粉丝观看，让大家可以对他有更深入的认识和了解。罗莽师傅讲了很多他拍电影的趣事，又讲下与自己合作过的艺人，其中他讲到惠英红（小红姐）时更是七情上面。

点解罗莽师傅讲小红姐时会咁肉紧？原来是因为他曾经被小红姐踢中要害，即场痛到大叫。他说：“我同惠英红拍咗套《扭计杂牌军》电影，都要动作嘅，咁我梗系做下把，做坏人啦。有一场戏就系我需要打到瞓喺地下度，一字码咁擘开对脚，惠英红就要飞脚铲落我度，个动作系咁设计，咁我就向后退，佢铲一下我退一下。咁佢同我讲咗话‘一定铲你唔到㗎，你放心，你唔使垫嘢都得㗎喇。’咁佢咁讲，我就谂住系啦，佢拍咁多功夫片啲位实好准。因为我未同佢合作过，系第一次，佢话唔使垫嘢我就唔使垫嘢啦。佢铲一下我退一下，点知到第三下佢一脚铲埋嚟，哎呀，好痛呀！”

不过罗莽师傅强调自己无怨言，拍戏遇有意外在所难免，他亦因为小红姐呢一脚而有所领悟：“拍戏嘅嘢，都系人哋讲咩唔好信，自己用咗护垫打底就好啲，系我经验之谈。点都好，一定要安全第一，对边个对手都好，最紧要保护自己，亦都保护对手，大家安全就OK喇。”