FTIsland为崔敏焕同前LABOUM律喜写结婚祝歌　李洪基:我都想结婚!

韩国乐队FTIsland忙内崔敏焕，今日喺个人Instagram自爆闪电结婚后，一众哥哥李洪基（又译：李弘基）、崔钟训、宋承炫、李在真都通过个人Instagram为弟弟送上最真心嘅祝福，仲有消息指FTIsland成员正为崔敏焕同前LABOUM律喜嘅婚礼写祝歌添！首先FTIsland老大李洪基，上载一张崔敏焕为佢斟酒嘅相，并写下“我们忙内！我们小芹菜！要结婚了！真系恭喜你同埋觉得好神奇哈哈，要好似你讲一样幸福健康好好生活啊，同时都要努力做音乐，比起哥哥们早一步结婚开心吗？你睇隔离钟训个样，真系好恭喜我弟弟，一定要幸福❤❤我都想结婚啊！Ps primadonna（FTIsland粉丝），系咪吓一吓呢？有可能会唔钟意，所以敏焕都好担心，会以更好嘅音乐作为礼物送畀大家，我哋无论咩时候都会成为你哋best friend，要给予祝福啊！”

FTIsland另一成员宋承炫，就喺个人Instagram写下“敏焕啊！无论咩时候我都系企喺你𠮶边！真心恭喜你结婚，（现在）作为人生前辈拜托你喇哈哈，恭喜。”

FTIsland队长崔钟训就在个人Instagram写下“我们忙内系1位正直又好有责任感嘅弟弟。当然仲系好年轻，相信你可以幸福地好好生活，我哋剩低嘅成员会支持同祝福你。当然律喜都非常乖巧同正直。希望呢对美丽嘅情侣可以成为幸福美满嘅家庭，要幸福啊！恭喜！永远嘅忙内小芹菜！”

最后就是FTIsland的低音结他手李在真，佢在个人Instagram写下“恭喜你，敏焕啊！你快过晒哥哥们，最先走上呢条幸福嘅道路，我哋以后都会祝福你之后嘅人生，仲有我哋Pri（歌迷Primadonna），大家都要祝福我哋敏焕啊！”

FTIsland崔敏焕LABOUM前成员拍拖3个月闪婚　韩国消息：律喜大肚

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/