袁伟豪裸半身拍片操肌　42吋胸肌逼爆荧幕

袁伟豪前晚大除夕同女友张宝儿出席除夕倒数活动，晒吓恩爱，佢就话今年目标同上年一样，都系想“上车”先，先置业后安家咁话，袁伟豪就重申同宝儿关系好好，但仲未有计划结婚住，例牌都系𠮶句：“大家先集中工作。”

咁袁伟豪唔讲感情，大家都系Focus返系佢副靓Body度先啦！

今日佢就喺社交网站度上载咗条佢做Gym嘅片，为咗视觉效果，袁伟豪仲特登除咗件衫，大Show佢四十几吋嘅胸肌。一下接住一下，袁伟豪咬实牙关咁“畀啲争扎”，仲好性感咁叫咗几声，相信粉丝少啲定力都顶唔顺，果然成功需苦干，要有好身材先要付出一番努力。