唐诗咏电台爆喊多谢陈志云：当年佢加我人工由3千变万几蚊

去年可以话系唐诗咏好丰收嘅一年，凭住剧集《不懂撒娇的女人》Cherry一角跑出，早前更获英国“大本钟奖之金独角兽奖电视类及视频类”中获得最受推崇女主角，其后更力压同剧嘅Mall姐宣萱被网友推举为本地民选视后。今日唐诗咏接受商台《一圈圈》访问时，希望可以在台上多谢帮过自己嘅人，“有一个人好想多谢就系Stpehen陈志云，刚入TVB月薪好低，好记得3000蚊，唔记得做咗几年，跟住有一日佢同我讲，‘乜你月薪咁低㗎？不如公司加下你人工呀！’”讲到呢度，诗咏已经忍唔住爆喊。

唐诗咏选视帝投马国明一票：希望佢今次唔使再天然呆唐诗咏做老板中环派饼　西装友争住试食仲要求合照

唐诗咏指当时都唔知加几多钱，“后来先发现加到万几蚊。𠮶刻好感动，因为当时我啱啱入TVB，唔会够胆同公司讲唔够生活要加钱咁，呢件事我一直放系心入面，希望有一日可以多谢佢。’她笑言以前参加台庆颁奖礼都系觉得陪下跑，睇下大家开心，“今次感觉系真系要落场比赛，好似之前拎到奖，有一刻好有深嘅感受，就系《不懂》剧组都好替我开心，有奖除了鼓励我之外仲有鼓励一班好努力嘅人（指剧组）。所以我会想认真去参与呢件事。’”

其后主持人阮兆祥问到系咪特别有压力？唐诗咏直言剧集播完之后好惊观众年尾唔记得，但事实是好多人仲记住她在剧中的表现，“其实一直都谂要有奖，我好耐之前已经认为拍剧唔系为呢样嘢，你一定要去享受个过程先可以拍到咁耐。仲要今次《不懂》首部4k兼全实景剧集，好多嘢未知之数，感觉好似打仗咁。”