【万千星辉2019】周嘉洛唔怕挨唔怕人工低　享受演戏最紧要学到嘢

《万千星辉颁奖典礼2019》周嘉洛以黑马姿态夺得“最佳男配角”，凭《开心速递》金城安一角爆红的他，曾有离剧组疑云，还好依然留在剧组，今日终于有成绩。

无线剧集《开心速递》除了大小姐 (林淑敏饰) 同送水辉 (许家杰饰) 好受观众以及网民喜爱之外，金城安 (周嘉洛饰) 都好有人气。他曾在instagram上载了多张他与一班《开心速递》演员的合照，并留言表示：“我与你相处得好开心。虽然马上就要道别，但我会想你的！#感谢您们每一位。”当时令大家都好担心他是否要告别呢套剧。

https://【万千星辉】周嘉洛获四项大奖提名　认受宠若惊：自己实力未够！

但无几耐之后嘉洛就于阿滕的ig留言话︰“多谢妈咪，2018我要继续做你的裙脚仔了”《香港01》记者当时曾以电话访问了嘉洛，问清楚他到底是否不再拍《开心速递》，他说：“系误会嚟，其实我系同2017年讲拜拜咋，系我自己文笔差表达得唔好，我无心吓大家㗎。(好多网民留言话唔舍得你！) 系呀，我睇到都觉得好窝心，好多谢大家。我之前无意识到自己嘅留言会令到大家误会，真系唔好意思。(2018年会继续拍呢套剧？) 无错，如无意外系嘅。(套剧会添食？) 我都有听闻过，咁梗系想啦，愈多愈好呀！”又强调如果真是要他离开呢套剧会非常不舍：“梗系会好唔舍得啦！”

现年24岁的嘉洛入行至今只有四年多时间，能够有份参与《爱‧回家》系列，也自觉好幸运。入行前在澳大利亚henley high school升学，不过从小已对演戏充满浓厚兴趣，所以读书时都有修读的Drama。讲到入行经过，原来都关马国明事：“喺澳大利亚读完high school毕业返香港之后做咗半年散工，有一日喺电视见到马明帮TVB拍𠮶个2015演员招募班宣传片，我家姐就提议我去试下。结果被取录，上咗1个月堂，实习咗3个月就正式成为TVB艺人。”至于当年点解不留在澳大利亚升读大学，他说：“因为自己成绩差，本身唔系咁钟意读书，加上唔想屋企咁重负担，会好吃力，屋企经济系最主要原因之一，而且当时心态系觉得不如早啲投身社会大学，一样可以学到嘢。”

嘉洛坦言入行以来一直都好开心：“好多人话做艺人要习惯等待，好被动，我自己算好好彩，实习完两三月后就入咗《8时入席》剧组，对我嚟讲依家嘅工作只有乐趣，无痛苦。”有指TVB出名人工低，嘉洛又可有同感呢？“OK啦，自己唔系大使嘅人，做嘢唔系睇人工，系睇有无机会学习。我并无家庭负担，唔使养家住，屋企人都有经济能力，自己亦唔会成为佢哋嘅负担。”他直言作为新人畀人闹就一定有，不过他绝不会介意：“大家都系为件事好，为我好，闹我都系想教精我。(入行至今最难挨系咩？)  唔可以用挨去形容，算系辛苦啲，生理上适应唔到个工作时间，最长时间试过拍《城寨英雄》做打雷台啲观众，连续拍咗6日通宵，朝朝6、7点先收工，中午又开工，结果病咗。但比起其他艺人，我呢啲唔算系咩，我都希望可以拍好多戏好忙咁工作，我好享受。”