和游记又停播？ MBC播完Two Cops、不是机器人啊停足5星期无剧睇
上星期tvN先发公告表示︰“为咗更加仔细严查制作环境，原定喺30日播出嘅第3集将会延迟一星期播出”，换句话说即系由车胜元、李升基、吴涟序同FT Island成员李弘基主演嘅《和游记》宣布停播一星期，正当一众剧迷们满心欢喜就嚟等到今个星期六、日，可以睇到新一集《和游记》时，今日竟然又有消息指“未能确认《和游记》本周是否能够正常播出，需要根据听日警方嘅调查结果先可以决定系咪播出”，所以到目前为止都未有确实消息指《和游记》何时播出新一集。
除咗tvN之外，MBC早前就受罢工潮影响，影响唔少节目如：《无限挑战》、《小偷家伙，小偷大人》、《多样的儿媳》、《做饭的男人》都要停播。虽然罢工潮已经结束，MBC新任社长要喺7号先会正式上任，令到准备唔切新电视剧。今日就有消息指MBC会喺播完曹政奭同Girl’s Day成员惠利主演嘅《Two Cops》同埋俞承豪跟蔡秀彬主演嘅《不是机器人啊》就后，就会停播月火剧以及水木剧长达5星期！作为韩迷真系表示好难挨啰！
MBC方面表示：“考虑到因为冬季平昌奥运会播出时，同时段嘅电视剧将会停播，所以我哋决定推迟新作品首播，更因此可以为制作新电视剧提供充足嘅时间，我们将会喺冬季平昌奥运会后推出新电视剧，更会慢慢地咁准备好。”即系最快MBC都要2月尾先会推出由禹棹奂和JOY@Red Velvet主演嘅新剧《伟大的诱惑者》。
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/