黑色透视大妈look上水倒数 张秀文：唔会因几个评论而觉有咩问题
撰文： 温菁莉
出版：更新：
究竟artist出活动著衫可以去到几尽？或者大家可以睇一睇TVB艺员张秀文（Sammi）在上水出席除夕活动时著的服装，活动原本系著住红色华丽晚装长裙行catwalk嘅佢，都显得高贵大方。但行完catwalk之后著返自己嘅衫咁就出事喇！佢以一身黑色渔网透视长裙look示人，有网友就话惊吓程度如果满分系10分嘅话，佢一定拎到9分！张秀文接受《香港01》访问时表示渔网透视衫系自己买，对于今次有网友抨击，Sammi就认为，“我觉得靓著得舒服咪得，唔会因为个几个网友嘅评论而觉得有咩问题。”
Sammi笑言不是为了见oppa才著得咁性感，而是见最近潮流都兴这种黑色透视渔网look，所以就首度挑战一下，至于该服装是甚么牌子及价钱她就未有透露，“平时出活动嘅衫多数都系自己准备比较多，有时公司借衫未必会帮你拣到你心水个件。但我唔主张一定要买贵，最重要系著得舒服同自己觉得靓就可以了。”她其后表示平价同贵价衫都有买，“始终出活动嘅衫你可能著一两次就放系屋企，都几浪费，都系个句自己钟意就得。”咁今次除夕出骚酬劳系几多？Sammi就话从来无过问，“因为去年都忙著拍剧，有活动做又唔会特意去问酬劳系几多。”
+10
至于踏入新一年，Sammi就希望今年可以以戏剧作品示人，“其实去年都多了好多机会拍剧，都发现自己钟意做戏，始终做戏好需要经验，趁住未系太迟嘅时间拍多d剧，自己的确系呢一方面比较少经验，希望今年可以博多啲！”