黄心颖马国明谂住结婚未？　夹都冇咁夹：呢个问题都几遥远

马国明，黄心颖这一对情侣档，适逢除夕夜商场倒数，齐聚一起揾“真银”。2人就趁着倒数前的空档时间，接受《香港01》访问。马国明说：“唔系第一次一齐出席活动，不过就系第一次一齐做countdown。”需知道，情侣档一向都收得多啲“人工”。马国明与黄心颖异口同声的表示，“应该有多咗。”黄心颖补充说：“我好想睇到个粮单系一个surprise，哈哈。”

新一年，当然会循例问下有甚么新年愿望。出名顾家又孝顺父母的马国明就说：“我每年嘅愿望都系身体健康同埋一家人齐齐整整。可能有啲人会觉得我老土，其实我觉得每一年最紧要就系呢样嘢。”黄心颖随即咐和说：“我都觉得系，同埋最紧要开心，身边嘅人都开心。而工作上有多啲新尝试。”其实黄心颖在2017年也作了很多新尝试，唱歌、跳舞，拍剧仲做埋第二女主角添。去年年头更在中国横店拍摄2018年的重头剧《宫心计2：深宫计》。戏里戏外与黄心颖都有“感情”的马国明说：“希望深宫计出咗之后我地会有多啲一齐拍广告嘅机会，又或者一齐登台。甚至乎去外地登台，美加，澳大利亚吖。（黄心颖说：大家都好等钱使。）可以请我哋去，哈哈。”

说起《宫心计2：深宫计》，黄心颖就大赞马国明：“我觉得佢做对手系好好，因为佢交足戏俾你。我仲记得第一套剧第一场系同佢拍嘅，我𠮶时客串《On Call 36小时2》。（马国明说：做个病人㗎嘛。）我系临时唔知替咗边个人嘅，所以人生第一场戏系同佢（马国明）拍。𠮶时又唔可以话系粉丝，不过钟意睇佢啲剧。睇rundown知道个对手系马国明，我好紧张。”其实《On Call 36小时2》已经系5年前嘅剧，马国明谂都唔使谂就讲得出心颖BB嘅角色，真系好有记性吖。

在之前马国明的《香港01》专访中，他都表示与黄心颖的关系不会“刻意讲，因为大家都明。”趁着2018的新开始，就梗系要“严刑迫供”会不会“拉埋天窗”啦。黄心颖说：“哈哈，呢个问题会唔会太遥远？”马国明跟着说：“呢个问题都几遥远。”（拍住拖先？）马国明还是那句官腔答案：“了解中啦。”佢2个人真系夹过稿咁。

到做完晒访问之后，心颖BB在台上演唱，不过唱完《小酒窝》接住唱《至少还有你》的时候，就疑似音响设备问题入错歌，到主持余宜发出场帮手时，才入到个歌位唱落去。心颖仲尴尬咁同观众讲“sorry”。在心颖BB唱歌期间，马明更静静的由后台走出来站到台边默默支持，还好黄心颖在第三次演唱顺利入到位。好在系尴尬的事情发生在2017年，唔使唔开心㖞，新一年新开始嘛。（至少还有马明。）