【有无咪嘴】万年音痴洗污名？　Angelababy唱英文歌被赞天籁

喺娱乐圈幕前工作，即使本身系演员，都总会学定三几首金曲，可以登台献唱揾真银。Angelababy以模特儿身份出道，再进军影坛及主持界，佢曾经喺综艺节目中开金口献唱，吓窒全场，估唔到今年佢又挑战自己，喺内地跨年晚会上大展歌喉，献唱英文歌曲《Five hundred miles》，唱功平稳声音甜美，不过因为同以往歌声实在差太远，惹来网友质疑系咪嘴造假。

以往Angelababy都曾经喺节目上唱歌，超高“海豚音”吓窒拍档邓超等人，网友更以音痴形容Baby。最好笑系连佢老公黄晓明都多次公开吐糟Baby唱功，其中一集《奔跑吧》中，Angelababy接到任务要黄晓明讲出“你要出专辑吗？”呢句说话，喺试探过程中估唔到晓明大哥脱口而出：“我看你还是算了吧，要不还是我唱歌来养活你，好吗？ ”到早前嘅综艺节目《中餐厅》中，晓明又再次评论老婆唱功：“我唱歌比她好听太多了，只有这点我敢吹牛！她唱歌真的不太好听，但是我觉得比李晨的好一点。”

Angelababy 30号晚登上浙江卫视跨年晚会，演唱英文歌《Five hundred miles》，声音清澈唱功平稳，绝对有专业歌手水准。不过由于唱得实在太专业，令人不禁怀疑佢系咪嘴，睇番条片唱到最后几句，又的确有少少对唔上咀型，但fans就力撑系直播讯号Delay所致，到底有无造假不如大家自己睇下再判断啦。