厌倦挨更抵夜　前港男吴云甫：TVB唔系日夜颠倒，直头系日接日

有阵时觉得做艺人，条命要生得好，万一唔好点算？至少都要抓紧机会。现年37岁的前港男吴云甫（Owen），最近返回内地拍剧揾真银，收入比以前在TVB高五倍。Owen无考虑自己红定黑，只想尝试更多及揾机会，于是他决心离开TVB，原来已外闯了两年。

“我以前喺TVB好似返Full Time加Part Time咁。呢头做完娱乐新闻台主持，𠮶头就去拍剧，我最记得咁样嘅工作模式之下，有一个星期都冇返过屋企。”讲到香港工时最长？TVB活生生是个样板，还不止马明一个。“我当时有份开《On Call 36小时》，见得最多就系马明，佢就好懒嘅，见要直落咁耐，索性拍完喺休息室瞌阵冲过凉再开工啰。”原来马明并不孤单，TVB还有人陪他挨更抵夜，如今马明成为视帝大热，而吴云甫选择不再过无分日夜的生活。

“我喺TVB拍到睇过好多次日出，已经唔系日夜颠倒，直头系日接日。”Owen既做娱乐主播，又要拍剧，高峰期试过连续开工三日，换来相对可观的收入：“顶尽都有三万蚊一个月，够我养车供楼。”虽然世界从来是多劳多得，但以无限体力换来三万蚊，其实背后意味深长。Owen的合约与其他艺员不同，他正职是个娱乐主播，拍剧机会相对较少，也不属任何党派，所以Owen以他的方式揾辛苦钱：“有时客串一、两集，识到啲PA，咁同佢哋倾开偈熟咗，有时开工要到人，我又得闲咁就去啰，做做下佢哋就会用开我，我都明白系要咁样储返嚟。”

好多年轻人都会以“搏尽无悔”为座右铭，Owen当时未有明言，但身体力行：“我觉得冇乜所谓。因为大家争住畀钱睇林峰𠮶啲小生，而我系同佢地共事㖞…之前又帮过容祖儿伴舞咁，自己谂落都OK呀。”可是人始终会有疲态，橡筋拉得太紧，都会想放下脚步：“我唔系好想红，唔系好想发达，但系TVB工作嘅模式唔系好健康，拍一套剧冇晒日夜，而我好多嘢试完就完，既然系咁，就离开一下会试唔同嘅嘢。”于是Owen离开TVB，还好因著以前做娱乐新闻主持的经验，认识到制作人，尝试到内地发展。今次也是著名导演王晶的安排下，往内地拍剧。向来拍剧都是行行企企、一句起两句止的Owen，遇到一个真正的角色，笑言：“而家有得对白讲，反而会好紧张。”

点紧张都好，由腿部运动变成有得口部运动，始终都是好事。可以开口说话，收入都比以前截然不同，至少高5倍：“以前系TVB拍剧，就算个一集拍咗十几日，计嘅钱都系计一集咁多，艺训班出嚟一集得个千几蚊，可想而知有几参差。”除了收入比以前好，在内地拍剧不用再日接日：“最尽多数拍到收工去食个宵夜，以前喺TVB拍15、6场嘅戏，喺内地6、7场就搞掂。”

在内地揾到真银，Owen没有后悔当初“入错班”。选港男没有光环，所谓噱头只是昙花一现，Owen最初入行已明白事实，没有抱有太大期望。而他后来开尽Turbo，拍剧所学的执生技能，在内地工作成为剧组人员欣赏他的原因：“以前一个剧组出外景得一个梳头化妆，理得主角配角，我呢啲行行企企点会有人理？所以学识点去照顾自己，冇人帮自己化妆，咪带多个粉朴自己化。就系咁，去到内地可以自己搞掂，仲可以take care埋其他人。”Owen做得快手，往后机会长做长有。其实谂落，如果话TVB系一个唔好嘅地方，不如话系一个会令艺人独立、成长嘅学堂。