【溏心风暴3】夏雨重提当年拎视帝︰再唔畀我，拆咗你个台呀！

《溏心风暴3》到现时为止，收视一直插水，愈来愈差。有人说是套路守旧的问题，有人说是剧情老土没有惊喜，不过有个很重要的原因，就是当年第一辑的后生演员都已经没有再出演，包括陈豪。陈豪在《溏心风暴》中弹起，同年更凭此剧夺得“最佳男主角”和“我最喜爱的电视男角色”，不过亦因为这样，而令到夏雨在当年十分不满。

夏雨︰“剧入面嘅笑位大部份都系我设计”今日在电台节目《一圈圈》中，夏雨重提当年第一辑《溏心风暴》失奖后的感觉，认为自己的发挥绝对值得有奖，他说：“第一集嘅角色系浮夸嘅，而剧入面嘅笑位大部份都系我设计，套剧亦都攞晒所有奖，系我斯人独憔悴，系无嘅。陈豪都唔系做喜剧嘅人，好多都系我话佢听点做，佢就攞埋最受欢迎角色，攞埋视帝，系咪需要咁呀大佬？第二辑前，我同家豪哥（刘家豪，剧集监制）讲我唔做喇，我唔同佢哋来往喇，以后唔拍TVB，不过佢同我讲，你唔做可以去边？点解唔搏多铺？第一年喺网上，个个都话系黑幕（夏雨失奖），第二年俾我，令我知道输其实有好多客观因素，拎到亦都系因为有好多因素，同埋呢个系累积分嚟嘅，之前大家为我抱不平，下年就会觉得今年再唔俾我，拆咗你个台呀！”

当年《溏心风暴》的确红到飞天，在年尾的颁奖礼上抢了六个大奖，除了陈豪的两个，还有“最佳剧集”、“最佳女主角”李司棋、“我最喜爱的电视女角色”关菊英和“最佳男配角”阮兆祥，唯独是角色深心入心的大鲍，即系夏雨无奖攞，难怪他当年吞不下气，直到今时今日都要拎出嚟讲喇！