【万千星辉】台庆颁奖礼加入半民选奖项就叫公平？　唔好咁天真喇

一年一度嘅万千星辉颁奖典礼又嚟喇，虽然早前已经率先举行过提名名单记者会，但TVB今日再正式搞多次记者会，即场宣布埋其他的奖项提名。而今次的投票机制分成3个组别，分别是“全民及TVB评委会”、“big big channel用户及TVB评委会”以及“TVB评委会及全台职艺员”。哗！3个组别都有TVB评委会，究竟当中比率系点，颁奖礼幕后推手兼TVB电视助理总经理余咏珊就话唔回应，点解咁神秘！

去年台庆颁奖礼只录得27.6点，成为最低收视的一届。因为其中有一个投票组别是“评委会组别”，即系由一班无线高层组成，所以搞到好多人都炮轰无线是小圈子选举！而今年颁奖礼应该都可以话系最激烈，点解？Well，因为一套《降魔的》令到本身唔追嘅剧嘅观众都煲埋一份，当中饰演“龙猫”嘅何远东仲被网友以及视后田蕊妮推举为今年男配角无误，但TVB系咪真系会听网友嘅意见呢？入围男配角奖项嘅仲有何广沛、张振朗等人，佢地都系TVB经理人约旗下嘅艺员，即系所谓嘅“亲生仔”，而何远东只不过系部头约艺员，根据过往颁奖礼套路，呢个奖一定系颁比亲生仔嘅！

虽然近几年TVB加入半民选奖项，但观众认为演员再好戏仍敌不过潜规则。其实细心一看，今年确实系同去年唔同，因为去年分别有“评委会组别”、“全民及专业投票组别”及“评委会及全台职艺员投票组别”。相比起今年当中有两个投票组别都系市民可以互动，似乎透明度系高咗。希望今年颁奖礼嘅赛果，系大家都一致认同嘅，btw如果到时出嚟嘅成绩系意料之外，画公仔唔洗画出肠，明嘅！