吴岱融开腔原来系磁性靓声　“鹫哥”年底仲会出多首江湖歌

鹫哥吴岱融演技好就众所周知，其实他唔止演得，唱歌都一样好好听，之前他就录了一首国语歌《回去爱你十亿秒》送给太太钟淑慧来纪念两人结婚22周年，呢首歌的MV更是由两人的仔仔操刀剪接。不过首歌预计于明年情人节兼两人的结婚纪念日先会在网上推出，所以大家只可以听到花絮的两句，未能够听真吴岱融把靓声。咁唔通要等到出年等到颈都长？

日前网上就有一个由吴岱融与欧瑞强合唱的广东歌《水霞‧风云》的MV，其实呢首歌他们于今年初在一个慈善节目上已经唱过。今次这个MV重新编曲给他们再度合唱，两人把声夹到不得了，好有火花之余仲好好听，无论曲风同歌词都好优美又充满意境，而吴岱融除了有唱功，把声更加系极磁性，绝对系靓声王。MV入面仲加埋他于网剧《反黑》饰演韩彬的一些片段，令人听得份外投入和有感觉，网民亦纷纷留言大赞。

可能大家未必知道又或者是已经唔记得吴岱融于1992年曾经出过一只国语专辑“缘迥”，咁他还会否再考虑出碟呢？香港01记者就致电访问了他，他说：“应该唔会再出碟喇，不过嚟紧就有几首歌会推出，同啲朋友喺网上打歌，一齐玩下过下瘾咁啰。其中一首就系之前唱畀太太𠮶首《回到爱你十亿秒》，另一首就会喺今年底推出嘅，讲江湖男人嘅心态，好似我演过嘅高天鹫同韩彬𠮶啲人物。今次呢个MV我好多谢我哋老板Vincent同埋编歌嘅Johnny Yim，当然仲有Albert Au (欧瑞强) 同《反黑》𠮶边啦。”

唱歌唱得咁好听，其实他有没有学过唱歌呢？他谦虚地表示：“唱歌就OK啦，我自己觉得就唔系好好听咋，咁我自己都钟意唱嘅，当时我出道嘅时候都曾经喺新加坡啲Lounge度做业余歌手。(有无咩首本名曲？) 可能觉得出嚟个效果几好嘅，就系费玉清嘅《一剪梅》啦。”又到圣诞新年农历年这些出骚揾真银的日子，以往都有登台的他暂时就无机会上台止下歌瘾了：“今年拍紧戏拍紧剧所以忙到无接到其他Job啰。”至于他的唱歌出骚价，他透露：“都有6位数字嘅，一般系唱两至三首歌，但亦都会有啲special request我一个人当演唱会咁嘅，有唔同嘅situation，当演唱会咁当然会收贵啲啦。但如果系为慈善演出就唔会收钱。”