【萌宠小大人】刘涛不满节目逼迫小朋友：你们想要的太多了
撰文： 邝钰莹
出版：更新：
主演过《瑯琊榜》及《芈月传》的刘涛，才刚与老公王珂做完真人秀《亲爱的客栈》的她，最近单拖出演爱奇艺嘅《萌宠小大人》，节目为培养小朋友有面对社会嘅能力，于是安排6名介乎5至7岁嘅小朋友去照顾宠物，而刘涛同男星曾舜晞就从旁协助。
要培养小朋友有面对社会嘅能力，方法其实有好多种，但唔知点解呢个节目会选择照顾宠物，而其中一个环节系去到大草地上执狗屎，莫讲话小朋友，连刘涛都觉得难顶，不过佢仍然充满爱心咁去协助一班小朋友，见到其中一名小女孩作呕，抱佢离场之余，亦好有耐性咁解释比佢听点解要执狗屎。玩完一日，刘涛要帮小朋友冲凉同哄他们睡觉，由于曾舜晞受伤要去医院睇医生，刘涛变相一打六，铁人都顶唔顺：“这个还是很费体力、费精力、费神，其实我特别想找个地方靠著”
在下期预告中，刘涛眼见到小朋友开始打打打闹、加上有人呕吐嘅埸面，似乎令佢有啲燥，不过，佢就无将啲情绪发泄到小朋友身上，而系工作人员：“不要一直在压迫，每个人看了都会吐，我特别想谴责这件事情，你们想要的太多了”，佢反问工作人员点解要求小朋友一定要做到大人想要嘅嘢，并谓“我就不想这样”。大陆综艺节目为效果为收视，有乜做唔出？