亚视年历卖广告最贵只要3万　平过TVB 50倍系咪抵玩？

昨日香港娱乐圈大事一定非“亚视复活”莫属喇，相信有好多人都同我一样完全对呢件事unbelievable，有好多网友都话去年4月终于摆脱左亚视，而家又翻生，纷纷到其官方facebook留言话俾“比观众抖下啦得唔得”，真系极夸张！但点都好喇人总要向前看，虽然有好多人对于亚视复活都抱质疑态度，昨天有份出席记者会的嘉宾及传媒都获得精美纪念品一份，当中有一份月历，真系令人相当期待，究竟入面会唔会有14年前一班前亚视一姐一哥田蕊妮同陈展鹏嘅经典相呢？

答案系无嘅，大家会唔会好失望呢？亚视讲到明今次复台系新开始，当然要用新嘢喇。首先1月份就采用了亚视斥千万购入由范冰冰主演的剧集《赢天下》剧照做主题，仲好细心系1月29日备注，提醒大家当天是亚视开台日！由2月份开始到6月当然是重头自家制作节目，分别是陈志云主持的《百万富翁》，《陶杰笑看风云》，《今晚见》，《A1娱头》及财经节目《赢家online》。至于剩下的月份，设计似乎就有点hea只有主题，并无加设任何插图，同普通月历差唔多。

但值得留意的，一定是年历的最后一页，因为无端端有个广告价目表，果然系好新式嘅宣传策略，睇返黄金时段(A3)兼最多人睇嘅指定节目(F4)内播出都30秒只需要31640元，相比起TVB同时段同样30秒，在翡翠台(指J1-J7时段)至少都要花14万，最贵(J7)更高达170万，简直系天价！咁计落亚视都好抵，但亚视指定节目(F4)呢𠮶究竟会系咩节目呢？真系相当耐人寻味！