【亚视复活】陈志云抽尽以前亚视高层水　今次银弹充足唔惊俾人笑

今日亚视开台，为了隆重其事，紧系要开个记者会，最令人关注当然是前无线总经理陈志云。除了他是前TVB人之外，他还会在亚视重新主持经典节目《百万富翁》。当他走上台和司仪曾华倩对答的时候，不停被抽水，又摸胸又提及他的官司事件，不过陈志云都依然可以轻松应对，仲反击说：“我对于你𠮶啲秘史我念得三番四熟㗎！”

讲返《百万富翁》这个节目，陈志云就表示今次银弹充足，仲暗串之前亚视高层拎箧钱出嚟派人工嘅事，他说：“唔使惊，今次高层唔需要拎个箧出嚟㗎喇，6500万嘅现金准备好㗎喇，你有本事咪每一集拎走100万啰，睇吓大家有几醒喇。”讲完呢番说话，台上立即遍布笑声和掌声，陈志云的魅力果然够劲！曾华倩又再问同事艺员或者其亲朋戚友可否参加，陈志云又好大体咁答：“咁佢又无话唔可以，只要我做人公正公开透明咪得啰，只要你识得运用三个锦囊就可以运筹帷幄。”真系好期待呢个节目呀！