盘点必睇冬季韩剧 《鬼怪》之外还记得宋慧乔的这部吗？
去年嘅12月，大家都因为《鬼怪》而为孔刘、李栋旭等人疯狂。今年12月已到，下星期香港的气温都会下降了！是不是终于有了冬天的实感呢？虽然香港不会似韩国一样有白色圣诞，但大家不妨可以在圣诞假重温一下超有冬日感觉嘅韩剧，让自己心灵上都可以过一下白色圣诞啊！
《鬼怪》
一讲冬天大家一定会联想起雪，雪就一定唔少得今年年头嘅tvN神剧《鬼怪》，雪景多之余，故事都同雪有关系架！因为当初孔刘扮演金信就同金高银饰演嘅池恩卓约定系初雪果日帮佢拔剑。加上大热得奖OST《I Will Go To You Like The First Snow》（첫눈처럼 너에게 가겠다）都系呼应返“雪”，一听就回忆起幕幕经典呀！
《来自星星的你》
《来自星星的你》将炸鸡同啤酒文化广传，但同时大家都因为呢套剧，所以见到有雪嘅时候就会学全智贤饰演嘅千颂伊一样躺在雪地上玩！当中，金秀贤饰演嘅都敏俊用自己嘅技能“时间暂停”，之后就去Kiss全智贤，成为咗“冬季剧”嘅其中一个经典镜头。
《那年冬天风在吹》
由宋慧乔同赵寅成主演嘅SBS电视剧《那年冬天风在吹》系2013年播出就已经系热话。当时宋慧乔饰演有视力障碍的有钱女吴英，以出色的演技大受好评。剧入面就系善用了冬天作为元素去打造出更凄惨的感觉。不过宋慧乔同赵寅成嘅“棉花糖之吻”都成为一代经典架！
《冬季恋歌》
讲“冬季剧”就一定要讲经典之最－《冬季恋歌》，系2002年播出时，裴勇俊同崔智友就系因为《冬季恋歌》红遍亚洲，成为大家都熟悉嘅韩流明星架！到咗今时今日，大家去到韩国都仲有好多景点用《冬季恋歌》做卖点就知几叫座啦！你又有睇过吗？
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/