马国明食住《降魔的》气势 开新剧《白色强人》再演医生
撰文： 郭敏玲
出版：更新：
TVB最出名的医疗剧，相信都是《妙手仁心》以及《On Call 36小时》，节奏比较明快，都有一定收视。有消息指TVB会再开同类剧，并名为《白色巨人》，本来就有陈展鹏、陈豪做两大男主角，但后来临时变阵，唔知系咪因为《降魔的》收得，马明人气急升，所以就揾佢同唐诗咏，仲有李佳芯演出，两人合作无间，包括《铁马寻桥》、真相等，今次一齐做男女主角就第一次。
《香港01》就访问了近期凭《降魔的》人气急升，兼且准视帝的马国明，他就确认此事：“暂时都仲系我，会唔会改我就唔知，我听到就仲系我，好似仲有唐诗咏㖭。不过公司就未公布，所以唔知详情住，我都唔敢讲咁实呀，可能唔系我㗎。”
另一方面，马明之前参与《On Call 36小时》都好有口碑，虽然他与视帝之名擦身而过，变成灰足36小时，但他今次再拍医疗剧，剧集内容会否似足《On Call 36小时》呢？马明直言：“唔会喇，今次内容唔会好热血咁㗎喇。《白色巨人》讲嘅嘢会再deep啲，好似会讲下啲医疗制度，系完全唔同嘅嘢。”
其实与其话似《On Call 36小时》，不如话似2006年台剧《白色巨塔》。除了剧名有50％似之外，听马明简介都好似有几分相似。因为《白色巨塔》描写了台湾的医疗制度，以及政治生态，而医生角色表露了不同的价值观，充满现实与理想的挣扎。此外，场景为求更加逼真，制作费亦非常巨大，每集预算大约一百万港币。至于TVB会否效法，动用巨额金钱，就不得而知，至少故事模式好似差不多。