《降魔的》荣登Google 2017热搜冠军　马明好兴奋：创作上勇敢啲

无线今年的神剧《降魔的》即使播完至今都依然羸尽一班剧迷和网民的支持同爱戴，正当大家仍在怀念紧它，希望以及期待可以有续集之时，呢套剧又再一次证明了大家有几咁钟意它喇！Google今日刚发布2017十大本港搜寻排名，而《降魔的》就荣登第一位，好威呀！其实本年度的Google十大热爆关键字，当中有七项是电视剧集，TVB就占了其中四套，除了冠军的《降魔的》，还有排第三位的《不懂撒娇的女人》、第六位的《使徒行者2》以及第九位的《超时空男臣》，网剧《反黑》则排第四位。

香港01就电话访问了该剧男主角马国明以及饰演石敢当的胡鸿钧，马明说：“当然好开心啦，拍之前真系无谂过㗎，开心系一个好大嘅鼓励啦，亦都系畀到我哋成班团队尤其是对监制、编审一个好大嘅肯定。其实之前编审都有讲过《降魔的》系套试验性质嘅剧啦，依家有咁好嘅成绩，梗系开心啦。”

“希望呢个试验叫做成功咗啦，嚟紧TVB会有更多够胆啲嘅题材开拍啦。始终电视框框好大，好多嘢好易畀人投诉，依家知道观众接受能力系高嘅，希望喺之后嘅创作上可以突破啲啦，唔使自己成日绑手绑脚，惊观众唔钟意或者惊人投诉啦。我觉得可以喺创作上再勇敢啲啦，等TVB有更多新鲜啲题材嘅剧畀观众，咁观众会更加钟意睇TVB嘅剧。最后当然我再一次代表监制编审多谢大家！”

而石敢当一样好兴奋：“梗系好开心啦，因为我觉得好似系对成个团队嘅一个认同，好多谢大家对呢套剧嘅支持，当初拍𠮶阵真系无谂过会有咁大回响，由播出到播完到依家都收到好多正面嘅comment同feedback，好感恩，我哋上上下下所有工作人员同幕前嘅演员，都觉得好意外同好多谢大家。我哋降魔的个group度，马明 (马国明) 都有share呢个消息出嚟。最重要系觉得无白费到成个团队嘅付出同埋努力，呢样嘢系我觉得最开心嘅事嚟，呢个荣誉比个人嘅荣誉更加大同更加开心。”