【独家．#MeToo】苑琼丹曾遭性侵　内地登台受害：我大声疾呼

见到苑琼丹，就会谂起“风华绝代万人惊艳”的石榴姐，想当年在《唐伯虎点秋香》问丑字点写，真系好经典。不过，别被她在电影中的造型影响，早前备受关注的娱乐圈女星性侵事件，原来“石榴姐”都有遭遇过，对方更是明目张胆。

苑仔听到这个话题，说：“啲人同我讲呢个话题，多数会话：‘苑仔，我唔系问你有冇被人性侵，我系问你有冇性侵过人。’啲人觉得我系𠮶啲人啰，咁其实我当然系试过喇！”此时苑仔已开始咬牙切齿。

她忆起在内地登台的时候，众目睽睽之下被人当众侵犯的遭遇：“有个男人上台直程…（做出摸胸手势），之后我就一脚踢咗佢落台，然后我就话：‘𠮶个色狼头先摸我呀！打佢！’因为我唔系𠮶啲畀人侵犯而唔出声嘅人嚟，我系大声疾呼嘅，所以其实性侵我系冇着数嘅。”对方不论是甚么身份，苑仔只要觉得唔对路，咩人都冇面畀，“保护自己系最紧要！”

除了内地，苑仔在香港试过被跟踪：“以前细细个，当时得得意意咁，见到有人跟踪我返屋企，我之后拧转面瞪大眼啤佢，佢就惊到掉头走。”苑仔自我保护意识好强，试过一次类似经验，往后她就用办法防止别人非礼：“搭巴士我手揸住大头针，摆喺自己面前，你咪挨后啲啰。”

不过讲完相关经历之后，苑仔又讲笑自嘲：“好多人都问我返大陆成日拍戏，你惊唔惊呀咁？我就话国内咁多靓女，搞都唔搞我喇！几廿岁仲搞你咩，贪你驱风咩！”但无可否认以前苑仔都几吸引嘅！

其实之前爆出女星性侵事件，让大众知道原来会有监制、导演会做出如此行为之外，女艺人在内地登台都有隐忧，因为总会有人过分热情，对人毛手毛脚，有些女星试过硬食。就好似张文慈十多年在内地登台，试过被人从后熊抱，过分肉紧以致跌落台。除此之外，陈静（DaDa）登台后离开之际，有人突然博懵，DaDa即时打了对方一巴。由此可见，这些经历在内地登台是屡见不鲜。