【神探李奇】张可颐罗嘉良好合衬　午间时段重播轻松喜剧有着数

TVB 50周年正在热播嘅两套台庆剧，收视口碑都不似预期，虽然未必话一定系新不如旧，但不时都有人话宁愿睇番以前嘅经典剧集。随住香港人生活习惯改变，深夜重播时段先系网民追剧黄金时间，TVB亦落足心机去排阵吸广告。除咗深宵剧场，其实下昼重播时段，都有唔少主妇同学生放学后追看，继《难兄难弟》13号播出大结局后，紧接播出嘅就系续集《难兄难弟之神探李奇》。

注意！青涩滕丽名

不过最抢眼嘅，反而系饰演姚丽娜嘅滕丽名，虽然只系配角，但佢将饰演嘅富家女演得入形入格，令人印象深刻。新秀歌唱比赛入行嘅滕丽名，于《难兄难弟》中饰演怕事温文嘅阿珍，同姚丽娜极大反差，而滕丽名将两个角色都演得非常好。其实同年佢仲拍咗《陀枪师姐》，陈三元一角令佢正式站稳一线花旦之位。

最后一部荔园实地取景剧

《神探李奇》多年来曾经5度喺TVB不同频道重播，轻松喜剧都有其捧场客。呢套剧集亦系荔园拆卸前，最后一套于园内取景拍摄嘅剧集。呢套剧集声势虽然无《难兄难弟》咁强劲，歌曲又无《难兄难弟》主题曲咁洗脑，但改编自Bee Gees的《Melody Fair》，并由陈颂红重新填词的《爱不会变卦》，亦属经典之作，每当“奇哥”罗嘉良和“宝珠”张可颐唱起呢首歌时，都会有种毛管戙感觉。