《壹号皇庭V》神秘歌曲《No Matter》原来是TVB剧万能key

无线经典剧集《壹号皇庭V》日前重播的第20集入面，最尾一场戏讲述陶大宇在餐厅与宣萱吃晚饭期间向她提出分手，宣萱欣然接受，两人表现得好潇洒咁分开了，但其实内心都好难过。而这场戏的背景音乐，就是一首名为《No Matter》的英文歌。原来好多观众同网民都好钟意这首歌，纷纷尝试寻找原唱版本，不过就找极都找不到，令这首歌更添神秘感。而这首歌亦出现过在多套TVB剧的重播版入面，例如《新扎师兄》续集、《妙手仁心》、《天地豪情》以及《宠物情缘》等，有网民形容是TVB剧万能key的歌。

既然咁多人钟意呢首歌，香港01记者就电话访问了《壹号皇庭》系列的监制邓特希，问下他是否知道呢首歌的资料，他说：“其实𠮶场戏原本系播另一首歌，系Michael Learns To Rock嘅《That's Why You Go Away》，到后嚟重播时先转咗播呢首《No Matter》，呢首歌唔系我拣嘅，我怀疑系版权问题要转歌，可能系啲罐头嚟。呢首歌唔系我心水，我自己一定唔会拣呢首。”

监制又话拍摄《壹号皇庭V》新加入的吴启华同蔡少芬这个搭档是最意外的收获，“佢两个喺剧入面嘅感情线好好睇，佢哋演得好，观众又钟意，所以就造就咗之后拍《妙手仁心》揾返佢哋做情侣，就似系之前嘅延续。”对于有指拍《壹号皇庭V》时经常要飞纸仔，咁演员有否成日爆肚讲对白呢？监制表示：“无得爆肚，演员佢哋会自己丰富返啲对白，用自己嘅方式去演绎，但就好少话会爆肚。其实飞纸仔先唔可以爆肚，惊会接唔到落去，之前曾经试过搞错咗啲对白搞到要重拍，所以大家都唔想有咁嘅情况出现。”