陈滢加拿大零下4度浸温泉　高炒Selfie晒事业线

女神陈滢自从喺7月宣布同赌王何鸿燊个囝猷亨分手之后，粉丝们都好关心佢嘅感情生活，媒体时不时都会影到佢哋两个私底下密会。近期大家就好少喺新闻度见到陈滢，原来佢返咗佢嘅乡下加拿大探婆婆，同时顺便睇吓楼咁话，但女神又点会冷落一班粉丝，陈滢Keep住更新IG同大家分享佢嘅近照，加拿大落大雪，见到佢著晒雪褛咁，睇到都冻！

冰天雪地大家可能以为陈滢会匿喺屋企叹暖炉，但女神点会咁易畀你估到，佢今朝先著住雪褛系雪地同狗仔玩，仲话要带狗仔返屋企。但隔咗阵佢就Po IG Stories限时动态，原来佢同圈外姊姊一齐去咗浸温泉，原来当地得零下4度，但都无碍陈滢嘅放假心情，佢上身著咗白色荷叶边泳衣，浸温泉都著衫？当然唔止咁简单啦，女神都有高炒Show吓事业线，仲整咗啲狗仔特效扮Cute卖萌，估唔到原来浸温泉都可以咁玩法。