神话M李玟雨香港fan party 自爆：出碟仲紧张过有贼入屋！
韩国元祖男团神话成员M（李玟雨）同申彗星今日喺香港亚洲博览馆各举行一场粉丝见面会，破格一张飞可以睇晒两场show，而《2017 LEE MIN WOO FAN PARTY in HONG KONG》就先喺下午3点38分正式开始。M着住写有NY字样的白色冷衫，戴上黑超加埋live band伴奏下出场先唱两首歌，而神话创造（神话粉丝）都准备好橙色气球为李玟雨应援！
摄影：江智骞
M亦好识冧神话创造，一路唱歌仲一路畀心心，唱完两首歌就即刻进入倾偈环节。李玟雨换走黑超戴上眼镜，先同神话创造问好：“大家近来好吗？好挂住大家！”仲大叫两次“I love Hong Kong”添！M又讲到上次嚟香港同大家见面已经系2013嘅神话演唱会，问到今日嚟嘅神话创造当时有冇在场？仲笑言见到有几位神话创造冇举手冇去到。
M时隔4年冇同香港神话创造见面，大家都好关心佢嘅近况，因而马上进行即问即答环节！问到李玟雨最近最深刻嘅事喺咩时？M就话系钓鱼，仲话自己爱钓鱼爱到“中毒”，但自言技术就唔算好叻，只系运好。而喺嚟紧未播出嘅一个节目入面，M仲钓到比喺《三时三餐》更大嘅鱼，想知李玟雨有几好运就要睇新节目喇！
神话Eric罗惠美蜜月归来惹祸？ 被指秘密入境“呃”服装赞助
而讲到M发第一张solo专辑定系举行第一个solo演唱会紧张时？李玟雨都苦恼咗一阵，而M最后都系拣solo专辑，因为系第一张solo专辑嘅关系，当时好期待又好紧张，更同时用晒佢嘅热情。之后，M都补充其实第一次solo concert预计开两日，点知第二日就有贼入屋，𠮶时都好惊，算系另一种紧张！
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/