62岁金牌绿叶陈荣峻向吴香伦求婚　2000人见证：好希望佢能够开心

“你几时结婚？”“未吖。”“咁你你求咗婚未吖？”“未㗎。”“你唔求婚就咁结婚？”“唔系㗎咩？”“梗系唔系啦，要求婚㗎。”陈荣峻忆述一次与黄翠如在停车场相遇的对话。就这样，黄翠如就间接促成了陈荣峻在“TVB职艺员联欢晚宴”（盘菜宴）上向吴香伦求婚。

话说，62岁的金牌绿叶陈荣峻与同属TVB的57岁的吴香伦拍拖已有差不多3年时间。2人经常一起出席活动之余，还会一起结伴旅行。之前陈荣峻到纽西兰拍摄互联网电影《18 28》时，吴香伦与陈荣峻的子女结伴陪在他左右。“个旅行仔仔都有一齐去，成个行程都系囡囡安排㗎。”终于，陈荣峻在回到香港之后就在TVB的盆菜宴上，在2000人的见证之下向吴香伦求婚，更说出了“爱的宣言”。“其实我好怕丑，又唔识讲嘢。但系今日为咗我嘅至爱，我好希望佢能够开心，同埋留下一个好好嘅回忆。”真系好sweet吖。

陈荣峻接受《香港01》访问时就：“本来都冇谂过求婚，你知我个年代冇呢啲嘢。去纽西兰之前，做戒指嘅师傅打电话通知我只戒指已经做起咗。纽西兰拍戏咁啱就有一幕系我同个女演员求婚，做完纽西兰个旅行咁啱就系盆菜宴，所以就谂到喺盆菜宴度求婚。寻日（12月8日）朝早10点就走去攞戒指。因为𠮶日要开工，我就一直袋住只戒指等佢收工。到盆菜宴先拎出嚟求婚。”除咗戒指之外，陈荣峻仲好有心意地准备了一盒玫瑰花。“𠮶日冇时间买花，所以我就拜托翠如帮手买扎花。”

谈到买求婚戒指的使费时，电话另一边的陈荣峻就羞涩的说：“唏，呢啲唔系讲钱嘅，冇计嘅。（有冇2个月人工？）只介指唔算系平，但又唔算系好贵，价钱就唔讲啦。”咁又系，介指同爱情一样，都系无价㗎嘛。