《性在有情》传被删甜　女主角陈敏之：呢套剧系老少咸宜

TVB实施“禁色令”之后，不少剧集节目都要因应措施而被迫“减甜”删减内容。继《溏心风暴3》之后，下一个需要“减甜”的剧集好有可能就是已在myTV SUPER上架，并于下星期日在电视播出的《性在有情》。

《性在有情》主要讲述饰演社工的张兆辉以及老婆陈敏之两公婆性生活上的问题。听落好似会有不少情色成份，其实是一套创新而有教育意义的剧集。据知本来22集的剧集，也会删减变成20集。

至于剧中饰演“性治疗师”的陈敏之会否担心这部具教育意义的剧集，被删剪敏感镜头呢？陈敏之接受《香港01》访问时说：“首先我唔评论有冇删减剧情呢个问题，因为套戏都未上，又点会知cut咗呢。同埋我哋呢套剧系老少咸宜，系喜剧嚟，所以我觉得唔会cut啰。佢系用一个好新鲜嘅方法嚟讲性，全部都系正面嘅。所以我系唔担心嘅。”

之不过，所谓“唔怕一万，只怕万一”。TVB高层的想法，并不是平常人猜度到的。如果真系删减剧情，令到《性在有情》的原意唔同咗又点算呢？陈敏之：“公司决定得嘅我都唔会担心，同会好支持。因为唔会cut哂㗎嘛，就算cut咗啲，原先个意思都会喺度。但系我都唔觉得佢会cut。”睇嚟陈敏之对套剧真系好有信心咁㖞。