【TVB颁奖礼】田蕊妮喊住撑何远东　赞龙猫好努力：真系好想佢攞

田蕊妮的演技出名好，今次再下一城凭《迷》被提名“最佳女主角”。阿田笑言要拣女主角，会不客气地拣自己：“我睇好我自己！就算有鲍姐我都系睇好我自己。”因为阿田在《迷》一角饰演妈妈，她曾透露演出时会忆起已逝去母亲，对她来说并不容易：“《迷》呢个角色对我嚟讲，系一个经历，对我嚟讲都系难嘅。我都好似咁对我自己，我并唔系嚣，但老实讲我睇完之后，我都心入面同自己讲，阿田叻！真系叻女！𠮶几个月终于挨过咗，出到嚟又唔系好失礼，我自己又满意。”阿田睇好自己，并不是要拎奖，而想对自己有个信心肯定。
 

提到拣边个做男配角，阿田就提起何远东：“啱啱撞到阿东，佢就同我讲佢终于有份提名男配，我𠮶下真系好感动。”这个时候，阿田已经在哽咽，再慢慢解释：“唔知点解佢提名我好感动。因为佢系《巨轮一》做我细佬，我觉得佢做得好好，系一个好努力嘅演员，而过往嘅颁奖典礼入面，都唔会有佢个名出现，佢唔应该被忽略，所以今次可以有提名，我真系好感动。坤哥就等多几年先，私人感情我会拣阿东，唔知到时攞奖会唔会喊得劲过佢呢，但我真系好想佢攞。”