《一周的偶像》吓到Rain叫罢拍　郑亨敦：系佢养大BTS防弹少年团?

韩国靓女金泰熙，早前为老公雨神Rain诞下女儿，Rain仲喺《团结才能火》同《The Unit》节目中提过，女儿似妈妈拥有双眼皮，睇嚟长大后都会继承金泰熙嘅美貌！而Rain生女之后就密密做兼comeback揾奶粉钱，昨日播出的《Weekly Idol》（又译：一周的偶像）Rain亦上去做嘉宾。

最近Kpop偶像上MBC综艺《一周的偶像》除咗要挑战2倍速之外，仲要挑战成功先可以宣传自己嘅新歌或者专辑，Rain一场嚟到梗系想好好宣传。不过Rain早前同《一周的偶像》MC郑亨敦去台湾拍摄《团结才能火》时，都有谂住趁机介绍一下新碟，但Rain就大爆喺另一节目《团结才能火》入面一句有关新碟嘅嘢都冇提过，搞到佢劲焦急！所以Rain今次喺《一周的偶像》，自我介绍时就不停想介绍新歌《GANG》，想不到就畀郑亨敦同Defconn打断，话之后会畀时间佢。Rain竟第一时间话：“我信唔过佢啊！”究竟Rain喺《团结才能火》有几惨？真系一句宣传新歌《GANG》都唔得？

之后Rain又讲到对于《一周的偶像》印象最深系JYP Entertainment社长朴轸永𠮶集，仲问道：“系咪真系一定要跳《Bad Girl Good Girl》，仲要瞓晒地咁跳呢？”要跳miss A呢首性感歌，讲真一般男人又几难接受嘅！而喺《一周的偶像》接近尾声部份，郑亨敦就要求Rain扮可爱唱一次“可爱颂”，并播出JYP朴轸永版本。Rain对于呢位前社长直言接受不了，仲话唔想再睇添啊！

不过最好笑都系《一周的偶像》郑亨敦同Defconn死屈BTS防弹少年团都系托Rain嘅福先可以喺美国活动、“系Rain养大防弹少年团”、“Rain就系防弹少年团嘅爸爸”、“PSY如果唔系因为Rain都唔能够活动”等，吓到Rain即时洒手拎头否认，仲用敬语问郑亨敦：“点解要咁对我”、“咁样仲点进行落去”，又即时对住镜头讲：“各位，唔系咁㗎！啱啱所讲嘅嘢同我完全冇关系，全部都系佢哋本人努力得出嘅成果”，最后Rain仲话：“我终于醒觉知道要避开亨敦哥！”真系望住个mon都忍唔住笑出声啊！

之后《一周的偶像》仲准备咗Wanna One成员姜丹尼尔嘅摸大脾舞、SHINee泰民《MOVE》同埋宣美《Gashina》畀Rain睇完跟住跳！虽然Rain睇完之后都有即场跳，不过就不停畀郑亨敦捉佢唔啱拍子，搞到Rain大叫话唔宣传！唔发专辑！仲要提早收工返屋企添！好在郑亨敦同Defconn为咗氹Rain落搭，都不停氹佢，又畀佢过关。最后Rain仲挑战咗2倍速《Rainism》添，Cloud（Rain粉丝）一定要“储存”啊！

Rain《可爱颂》

【The Unit】连Rain都被迷到！　李正河凭致命性傻笑合格

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/