【SHINee】温流时隔4个月终公开亲笔道歉信　愧疚嘅心实在系太大

4个月前SHINee队长温流被指喺夜店中性骚扰一名20多岁女性，当时更接受警方长达5小时嘅调查，其后虽然该名女子已经撤消控诉称只是误会一场，不过温流就从电视剧《青春时代2》下车，痛失“权浩昌”一角，改由曾经参加《Produce 101》Season 2嘅李有镇出演。

虽然温流性骚扰女性事件已经过去4个月，但就未见有平息嘅迹象。因为较早前SM Entertainment公开嘅《SM Artist Season Greeting》宣传片中，粉丝就见到温流嘅出现，引起佢哋强烈不满以及反感，除咗公开联署要求温流退团外，又表示会罢买有温流在内嘅SHINee专辑、产品、还有SM新一季嘅新年礼盒，又强烈要求温流和SM Entertainment公开道歉。

更多图片

终于喺寻日温流都企出嚟，喺SHINee嘅官网上公开咗自己所写嘅亲笔道歉信，时隔4个月终于都跟SHINee WORLD（SHINee粉丝名称）表达深深的歉意以及反省。温流嘅亲笔道歉信内容大概如下“对于支持我、给予我爱的粉丝，令到你哋听到唔好嘅消息因而失望真系好对唔住，我喺过去4个月嘅休息期间当中一直反省，好讨厌我自己。唔知道应该要点去道歉，唔知道应该要啲咩词语去表现先好，一直都好苦恼，愧疚嘅心实在系太大就连写咩都变得好小心。虽然好迟但依家先可以上传我嘅文字。接受到愈来愈多嘅喜爱和注目，就应该对自己嘅行动负上责任，表现出令人失望嘅样子真系好对唔住。对于一齐走过9年嘅成员十分抱歉，因为我而吓亲嘅父母、公司各位亦同样表示歉意。以后我会努力时常反省和严格地管理自己。此后不论是对外还是个人嘅事，都会谨记我是作为SHINee嘅其中一名成员，尽最大努力做好。”

【SHINee】温流确定从《青春时代2》下车　接替人选仍在商议中

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/