【夸世代】张继聪现身大台颁奖礼 说好的封杀咁快玩完？
撰文： 温菁莉
出版：更新：
张继聪在今年嘅成绩真系算唔错，台庆剧《夸世代》又有佢份，仲拍落唔少广告，人气急升！阿聪今午出席TVB广告颁奖礼上夺得“广告红人”奖项，但最搞笑一定系连经过的途人忍唔住话，“乜佢唔系俾TVB雪咩！”，令他哭笑不得。
问到今日现身TVB旗下的广告颁奖礼，会否感到尴尬，出名转数快嘅阿聪当然即刻话，“多谢客户对我嘅支持！”提到佢最近嘅IG都离不开一对宝贝仔女，早前更是囡囡8个月大的日子，阿聪面上立即充满喜悦，“都无特别庆祝，都系食餐饭。小朋友成长尤其是系呢个时候，有好多发展都好开心。”其后他亦透露最近一家人每晚8点半都会准时开电视睇其主演嘅剧集《夸世代》，仲笑说，“我有私底下爆之后嘅剧情俾个仔听，睇下佢守唔守到信用啰。so far佢而家都ok，无讲俾同学听。”只能够说他们一家人实在太搞笑！