22年后重拍包青天　谭俊彦继父业做包公：Daddy靓仔啲

“开封有个包青天....”TVB相隔22年再度翻拍经典剧《包青天再起风云》，一众演员包括由狄龙嘅仔仔谭俊彦、张振朗、胡定欣及姚子羚等人出席造型拜神仪式。谭俊彦饰演的2018版包青天保留了额头上的月亮，但包公的招牌胡须却消失了，似乎有点失色，但点都好佢应该称得上近代“最靓仔包青天”喇！谭俊彦接受《香港01》访问时笑言感觉好奇怪，“我觉得daddy型过我！”

今日一入到厂就见到3个狗头闸，谭俊彦见到就觉得好感触，“因为细个跟daddy入旧电视城接触拍戏工作就系佢拍呢套剧，我个阵有幻想过我会做包青天，所以而家好surreal。”睇返今日谭俊彦嘅新造型，似乎就无过往包青天经典黑面，他表示，“因为现时的拍摄器材换了全高清制式，好多嘢要调教，今日我地会做camera testing，会唔会再黑啲可能会嘅，但呢要今日试埋先知。”但令佢感到搞笑嘅，就一定系帮佢嘅化妆师，“当年佢帮我daddy化，今日就帮我化，好犀利。（点解无胡须？）都系监制要求，佢希望成件事年轻化，有唔同嘅感觉。”他指因为今日是记者会怕弄脏所以无搽黑对手，之后正式开拍就会上色。

记者笑言今次他饰演的包公应该算是近代最靓仔包青天时，谭俊彦就好谦虚咁话，“我觉得好多饰演过包青天嘅演员都好靓仔，好似李东学咁。（咁daddy呢？）紧系佢靓啲喇，但始终年纪唔同，我而家40岁，佢𠮶阵拍嘅时候接近50岁，阶段都唔一样。今次会好得意，有啲新火花。”他透露爸爸狄龙知道他饰演2018新版包公，但就无过两招俾佢。