麦明诗突发自爆内地遭性侵犯　学柔术保护自己

“香港栏后”吕丽瑶日前自揭遭前校队教练性侵一事，唤起社会对儿童性侵犯的关注，她表示希望藉个人遭遇，鼓励不幸的受害者勇敢站出来。今日傍晚时分“10优港姐”麦明诗就在Facebook发表千字文，并透露自己亦试过遭受性侵犯，“我亦都唔例外，仲要系唔止一次添，有啲系我阻止唔到”，震惊各界！现时忙于拍剧的麦明诗接受《香港01》访问时就表示：“我唔系畀人强奸，对方做过啲我唔愿意嘅性接触。”其后她也有解释，“性接触”嘅定义是很广泛的，例如摸胸、亲吻等都属于这个范围。

#metoo 相信唔少女仔都曾经遭受性侵犯，我亦都唔例外，仲要系唔止一次添；有啲系我阻止唔到；有啲系之后谂番，如果我醒觉啲我可能可以阻止到... 受害者能够鼓起勇气面对呢件事，知道错唔系自己，呢个系第一步。但系之后呢？
呢个时候，大部分女仔都会放弃，而我自己经历嘅谂法系咁样：
当时得我同佢，姐系口同鼻抝，点解要信我多过佢？咁睇嘅话，佢嫌疑程度只得50:50，但系50:50姐系告唔入啦。而我当时仲要读紧法律。
所以我希望透过呢个post，分享一啲自己嘅体会。
当然一个受惊嘅女仔，喺当刻就可以谂到呢啲嘢，系冇可能嘅。呢啲都系我之后不断反复思考先谂到嘅嘢，所以我希望分享可以帮到未受过害嘅女仔。
我相信，法律系最接近公平嘅裁判方法；佢唔系完美，一定有犯罪者法外逍遥；但系比起网络审判、私刑，法律系有好多程序保障，希望赋予每一个人一个opportunity to be heard。
呢点带到去最后嘅point：防患于未然。对于我来讲，empowerment 除咗系受害之后唔怕讲出黎，更有效系可以透过自己嘅力量防止呢个伤害。所以呢啲经历鼓励我要懂得自卫 - 我唔系需要打赢一个男人；但系只要制造到一个逃走嘅契机就已经足够。于是几个月前我决定咗要学柔术。
PS，大家可能会问我点解冇采取进一步嘅行动，咁系因为事情系喺内地发生，香港法庭系冇jurisdiction...