【MAMA 2017香港】宋智孝透视的诱惑 　防弹少年团预告有惊喜

撰文： 沈洛嘉
出版：更新：
智孝虽然包到实，但原来都有隐藏性感，十分诱人。（梁碧玲摄）

虽然《2017 Mnet Asia Music Awards in Hong Kong》（MAMA）已经过咗大半，不过仲有好多明星陆续出场，而《Running Man》成员宋智孝表示：“再次托MAMA的褔再嚟到香港，据说今年系韩国年，今年有好多人嚟到韩国，希望大家玩得开心。”

Super Junior队长利特（左一）一出场好识做，即用广东话“你好，我哋系Super Junior”同大家打招呼，又讲“多谢”。（梁碧玲摄）
+1

Super Junior 出场时，ELF（Super Junior粉丝名称）即时尖叫！成员东海就表示：“好多谢香港ELF每次都好热情都好欢迎我地！”而金英澈就见到同是《认识的哥哥》成员嘅希澈就叫佢讲两句，但超有sense嘅希激就话《认识的哥哥》系JTBC嘅，要讲都系讲《人生酒馆》（tvN）啦！
 

Joy@Red Velvet Deep V现身，超吸睛。（梁碧玲摄）

而Super Junior师妹Red Velvet紧接师兄出场，成员Joy成功减肥后，今日更著上超Deep V黑绒跌膊上衣出场！今晚有Crossover stage嘅宣美就同泰民前后脚出场，宣美就摆出招牌《Gashina》动作扮可爱，泰民就以西装搭上大褛现身，仲小跳咗一段《MOVE》。
 

防弹少年团今晚究竟会Remix边首歌呢？（梁碧玲摄）
+5

人气爆灯嘅BTS防弹少年团出场时，现场粉丝不停向前挤拥，更有粉丝大叫“唔好推”！而改咗名嘅RM就以英文同Army（防弹少年团粉丝名称）简单打招呼，V就讲到今晚嘅表演准备咗特别嘅舞台，去到中间就会...”之后无再讲落去，睇嚟Army今晚要留心睇演出喇！