《开心速递》KC扮女佣姐姐零违和感：最紧要观众开心钟意

大家仲记唔记得欧瑞伟在无线剧集《爱．回家之开心速递》入面，曾经扮过美少女战士？而他在昨晚播出的一集中，又再一次扮女人喇。不过今次就没有上次扮美少女战士恶搞电影《格雷的五十道阴影》咁重口味，他今集只是扮一个好生活化的钟点女佣，为了掩人耳目，他还特地戴上口罩扮病，所以基本上连女人妆都不用化，骤眼睇真系似十足个阿姐咁㗎。

今集剧情讲欧瑞伟所饰演的KC乔装女佣来照顾患病的Helen（姚盈盈饰），见KC著上格仔围裙配衬黑色长裤仲要穿上睡拖，再加埋个冬菇头发型，戴埋副眼镜，即刻成个女佣姐姐上身咁样，就算KC平日几咁有型，但这个造型跟他都毫无违和感呀。而他为了不让Helen识破自己其实是KC这个真正身份，就刻意戴上口罩，话自己喉咙痛讲唔到嘢，不出声只露出双眼的他确是呃到下人。不过只要细心看真一点，见他条眉咁粗，都可能会怀疑他是男扮女装。KC不只扮女人，更扮埋超人，大玩cosplay，KC搞笑果然有一手。而今次已是他第4次扮女人了，唔怪之得咁熟手啦。他亦绝不介意扮女人：“扮女人无咩特别感觉，都系跟个角色行，剧情需要我咪扮啰，最紧要观众开心同钟意就得喇，大家睇完可以笑下。”