【少女时代8变5】姊妹情不变　徐玄力撑太妍做圣诞演唱会嘉宾！

撰文： 沈洛嘉
出版：更新：
对SONE（少女时代粉丝名称）嚟讲呢个绝对系好消息！徐玄同太妍要合体喇！（网上图片）

早前徐玄（又译：徐贤）先确定唔同SM Entertainment续约，离开少女时代设立一人公司专心发展演艺事业。虽然徐玄之前嘅Instagram长文都有提及自己之后都会永远支持少女时代，但就应该连SONE（少女时代粉丝名称）都无谂过徐玄咁快又会同姐姐太妍合体，再度擕手合作做太妍圣诞节演唱会嘅嘉宾。其实少女时代前成员秀英都有讲过自己以后会多多支持少女时代往后嘅活动，唔知几时又可以见到秀英同其他少女时代成员合体呢？

太妍圣诞节演唱会寻日已经开卖。（网上图片）
+12

太妍今年12月23、24日就会喺首尔庆熙大学和平殿堂举办圣诞节演唱会《TAEYEON SPECIAL LIVE THE MAGIC OF CHRISTMAS TIME》，而徐玄方面就公开表示：“徐玄确定会担任做太妍演唱会嘉宾，但就只系确定咗会参加，至于日程方面就仲系协调当中。”据知太妍今次特别为咗迎接圣诞节同埋SONE，仲会将热播歌曲重新编曲，带满满嘅圣诞节气氛俾SONE添！而太妍圣诞节演唱会《TAEYEON SPECIAL LIVE THE MAGIC OF CHRISTMAS TIME》其实就已经喺寻日（24日）晚上8点开卖咗，SONE们又有冇成功抢到飞呢？

唔知徐玄会去边日呢？（网上图片）

【少女时代8变5】徐玄设个人公司后发解约感言　永远支持少女时代

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

成熟版少女时代Yuri来香港　蔡时娜：我哋会一齐食饭！【2017 AAA】少女时代润娥、李升基　分手后首次同场零交流【少女时代8变5】秀英专注做演员　签Echogg做Daniel Henney同门