小英@前After School细述遇上性骚扰　吓到签约4日即解约

早前荷李活性骚扰丑闻搞得沸腾腾，就连《神奇女侠》（Wonder Woman）主角Gal Gadot-Varsano都表示有机会退出《神奇女侠2》嘅拍摄，更拒绝同Brett Ratner同场出席活动！而After School前成员刘小英早前喺Channel A节目《听到传闻》上爆料，称自己曾遭到前经理人公司社长性骚扰！又讲到：“我真系好想好想讲我唔止一两次遇到呢啲事！”

Apink恩地《Untouchable》发布会有炸弹？　Plan A：国际刑警介入

刘小英先从一开始讲起：“当时我同某公司代表见面，就讲到我好希望可以加入公司，其实气氛都好好，大家都倾咗好多，仲已经盖好印章。之后第2日就话因为有新同事（刘小英）嚟咗，所以我哋去聚餐啦！”食饭𠮶阵大家都会一齐饮酒，刘小英饮到咁上下就想返屋企，因为得佢一个女仔，社长就话要送佢返去。一上的士𠮶阵，社长就捉住刘小英只手，于是她就提醒自己一定要清醒同埋系到要点做好？刘小英谂住自己落车再叫社长返去先，但社长就系都要落埋车送刘小英，跟住又同佢讲不如我哋揾个地方倾倾，但𠮶阵已经系凌晨时份，根本就无开门嘅地方，社长又系咁话去啲唔知咩地方，刘小英就因为太惊所以就去咗24小时嘅快餐店。

更多图片

刘小英话佢哋两个一坐低社长就从𠮶时开始捉实佢只手唔放咁讲：“我钟意你，我系将你当做异性咁看待。”刘小英就反问：“做咩呢？放开我只手先啦。”但社长竟然话：“你唔答我OK嘅话，我系唔会放开你只手㗎！”之后刘小英表示佢第2日就好清楚明白咁讲：“对唔住，我无呢个谂法，不如我地当无签过呢份约。”点知个社长竟然答刘小英我𠮶日饮醉酒无记忆，𠮶日发生咗啲咩事？所以刘小英就将呢份只系签咗4日嘅约痛痛快快就解咗喇！不过相信刘小英个晚相当崩溃难挨，一个女孩子单独被逼对住社长又惊又恐，简直就系手足无措！希望佢以后唔会再有同类型事年发生啦...

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/