【降魔的．专访】马国明拒降魔　编审罗佩清：佢有香港人冷漠特质

《降魔的》有机会继《天与地》之后，成为另一套神剧，剩返最后三集（千祈唔好烂尾），一个好的故事主旨一定鲜明，如果有追看，应发现石敢当（胡鸿钧饰），这几集想迫灵力越来越大的小马（马国明饰）成为降魔侠，但小马以种种理由拒绝。《降魔的》编审罗佩清接受《香港01》访问，她说：“好似主角小马，佢一路俾石敢当觉醒，开天眼呀…...到后尾佢直头劲过石敢当，但当石敢当叫佢降魔嘅时候，小马竟然拒绝佢，其实就系因为佢个心未觉悟，佢个心都系一个的士佬，即系一个冷漠嘅香港人，顾住揾食呀，屋企呀，降魔伏妖关我咩事啫?有能力都未必会去做呢啲事。”

《降魔的》之所以得到共鸣，因为人物够贴地，而小马正正就是香港人的写照，她说：“小马系一个你会喺香港遇到嘅的士佬，所以会反映一啲香港人嘅特质，有好亦有唔好嘅地方，好嘅系大部份小市民都系善良，都系有热心嘅，的士佬之间都有情谊，朋友有难挺身而出，同时香港人亦会自私同冷漠，你愿意保护嘅只系限于你熟悉嘅人，当一啲社会上嘅事或者大是大非嘅嘢，一啲同你距离远嘅嘢，你未必会去做。”

有寓意的剧集的确不多，细心留意剧集的读者，应该发现《降》剧有别于以前的台庆剧，但原来初时TVB没想过将《降》剧放在台庆期间播放，她说：“呢套剧系低成本、低卡士、低budget、低清、低CG，所有嘢都系低去做，我谂老板俾我嘅指示系…..叫我做一个实验多过一个台庆剧，TVB真系少试呢一类嘅题材，咁杜之克先生觉得可以一试㖞，咁就叫我试啦，呢套亦系我第一套做编审，可能佢觉得揾一个冇包袱嘅人做好啲，所以大家会见到套剧嘅实验性质好强，得到大家认同真系好意外，《降魔的》其实系白老鼠嚟。”

【降魔的】马国明能力其实未用尽　作为主角最后三集系佢发威时候

不单止是人的觉醒，罗佩清亦希望大家对演艺圈、编剧这一行的要有新的看法，她说：“而家电视竞争大过以前，平台开放咗，但香港可能经济单一化，所以一直对创作、电视剧，媒体，演艺行业呀，一直都唔系好鼓吹，小朋友如果写我的志愿系明星可能会俾老师闹，阿爸阿妈都觉得你唔脚踏实地啦，鼓励比较少，相比韩国、日本佢地真系有艺能学校，小朋友好细个如果有呢个志向、能力，无论系幕前幕后，佢哋就会即刻栽培佢，所以人哋嘅生产线喺成熟好多。”

罗佩清中大心理学毕业，当编剧是她第一份工，07年入无线，辗转在这行10年，和其他香港编剧一样，都要挨穷，她说：“我哋而家请trainee，都系讲紧得万一、二，我入行𠮶阵8,500，相比起同期毕业嘅真系差好远，随著时间差距越来越大，收入系唔少人嘅气馁位，亦觉得呢行系青黄不接，后生嘅可能做一排就顶唔顺，例如创作上要妥协，可能有时遇到冇卡士拍唔到呀，或者太天马行空亦未必拍到呀？我谂呢行令人坚持嘅就系满足感，创作咗旧嘢之后实体化，无论收视反应系点，始终都有份满足感。”