小S16年后代家姐重拍《流星花园》　 同新杉菜最多对手戏

16年前令F4红遍亚洲嘅《流星花园》，该片制作人柴智屏早前宣布将开拍2018版，连核心人物－－道明寺、花泽类、美作、西门及以杉菜都揾好晒人选。消息传出之后，小S就喺微博发文表示:“我想演！”并直呼最想演家姐大S当年演嘅“杉菜”一角，结果网友都笑佢呢个年纪只能做演道明寺妈妈，明寸佢老，不过如果被人笑完而真系得到一角又点睇呢？

台湾日前就有消息指小S已收到柴智屏获请，其经理人亦承认确有此事，并透露小S嘅角色将会同女主角沈月有唔少对手戏。当年同杉菜最多对手戏嘅，除咗佢好友小优（杨丞琳饰）之外，就已经系道明寺家姐道明庄同阿妈，而以小S 39岁之龄，相信要做杉菜好友应该都几吃力……再且，其大情大性形象，同道明庄霸气又不失义气的角色十分近似。小S不时都爱在节目中自导自演，今次有机会参与《流》，相信无论做边一个角色，佢都一定会尽情地发挥。再加上新版F4全部都系小Ｓ最爱嘅小鲜肉，今次真系赚晒。

另外，唔少网友都希望元祖F4可以客串一角，但由于今次《流星花园》为中资关系，故台湾演员人数将会受到限制，单系导演许富祥、饰演花泽类的官鸿以及小S已用去3个名额，所以相信如果要揾元祖F4出现或客串的话，相信会有一定难度。