秀智分手后IG上传扁嘴相　长腿男神李敏镐返工包到劲密实剩番对眼

韩国明星秀智@missA与李敏镐，本月16日有说已经分手，虽然双方公司已表示消息属实，但就没有多说一句。而主人公之一嘅秀智自分手后今日继续活跃喺个人Instagram上，继续更新有关韩剧《当你沉睡时》嘅剧照，不过就已经冇咗李钟硕嘅踪影。但系秀智最新一个Instagram Post最后一张相，就系佢扁嘴嘅样，唔通秀智暗暗地表示其实自己同李敏镐分开之后唔太开心？

秀智送“倒穿橡胶鞋”俾李敏镐　《当你沉睡时》同李钟硕太sweet?

而另一名主人公李敏镐因为仍系服役当中，寻日就继续喺江南区厅正常返工。虽然李敏镐嘅上班路一向多粉丝接送，但传出李敏镐同秀智分手消息第2日（17日）后，就有更多粉丝前往探望李敏镐。着上黑色羽绒内着灰色卫衣，戴住cap帽同埋黑色口罩嘅李敏镐包得劲密实得番对眼，而李敏镐落车后粉丝都抢住上前，为嘅只系跟偶像握握手。而李敏镐亦都好Nice咁同粉丝们握手回应，但就并未有其他表示。依家长腿男神李敏镐回复单身后，好快就要继续工作，未知oppa几时会开始下一场恋爱，但都希望佢尽快收舍心情，用心服役为国家服务后，再次回归大萤幕同粉丝们见面。

更多秀智图片：

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/